YFIRLIT YFIR BMW X-LÍNUNA.

Þegar BMW X1 kom á markað árið 2009 tók hann sér fljótt stöðu fremst í flokki lúxussmájeppa. Mikil fjölhæfni skilur bílinn frá öðrum um leið og sportstilling tryggir aksturseiginleika og lipurð við allar aðstæður. Þegar við þetta bætist hugvitssamlegt BMW xDrive-aldrif er niðurstaðan ótrúlegt grip og aksturseiginleikar, þar sem drifkrafti er dreift með stöðugum hætti til framhjóla og afturöxulsins. Þetta tryggir ánægjulegan akstur öllum stundum. Aðlaðandi hönnunin einkennist af öflugu og þróttmiklu útliti. Þá er gæðainnréttingin römmuð inn með listum í samræmdum lit og ryðfríum stálinnfellingum.

X1 sameinar klassísk BMW-gildi á borð við aksturseiginleika, lipurð og yfirburði í flokki smájeppa.

Framleiðslutímabil: 2009 – 2015 

Vélar: 2,0 – 3,0 lítrar (85 – 225 kW, 116 – 306 hö.), 4 og 6 strokka

Lengd/breidd/hæð: 4.454 mm / 1.798 mm / 1.545 mm

Innblásin hönnunin og snilldarlegar tæknilegar útfærslur bílsins komu fyrst fram á sjónarsviðið árið 2016 þegar hann var kynntur sem hugmyndabíll sem byggður var á X1. Nánast ferkantaðar hjólskálar, ásamt hjólbarðaköntum, sílsalistum og flatri þaklínu, undirstrika geislandi yfirbragð bílsins. Tvískipt grillið breikkar niður og loftinntökin falla mjúklega inn í framhlutann og bera vott um einstakt öryggi. 
Nútímalegir vélar með forþjöppu ásamt Steptronic-skiptingu tryggja kraftmikil afköst við allar aðstæður. Með BMW xDrive-aldrifinu eru þægindin tryggð þegar lagt er á ótroðnari slóðir. Hefðbundnir aksturseiginleikar BMW tryggja akstursánægju á hvaða undirlagi sem er. BMW-merkin á C-stoðinni minna á goðsagnakennda BMW-bíla á borð við 2000 CS og 3.0 CSL.

Framleiðslutímabil: 2018 – til dagsins í dag  

Vélar: 1,5 – 2,0 lítrar (100 – 170 kW, 136 – 231 hö.), 3 og 4 strokka

Lengd/breidd/hæð: 4.360 mm / 1.824 mm / 1.512 – 1.526 mm

BMW X3 var afhjúpaður á 60. alþjóðlegu IAA-bílasýningunni í Þýskalandi árið 2003. Nýtt hugvitsamlegt BMW xDrive-aldrifið var fyrst tekið í notkun þar, sem bauð upp á samfellda breytilega afldreifingu á milli fram- og afturöxlanna. Annar nýr eiginleiki var sterkbyggð og sportleg hönnun með áberandi framhluta með bi-xenon ljósum þétt upp við tvískipt grillið. Þau voru með einkennandi hringlaga stöðuhemilsljósum sem gera BMW-bíla frá þessum tíma auðþekkjanlega úr fjarlægð – jafnvel í myrkri.
Uppfærsla var kynnt til sögunnar árið 2006 þar sem grillið, afturljósin og framsvuntan var endurhönnuð. Flestar vélarnar voru einnig endurhannaðar og urðu við það mun kraftmeiri en um leið sparneytnari.

Framleiðslutímabil: 2003 – 2010

Vélar: 2,0 – 3,0 lítrar (105 – 210 kW, 143 – 286 hö.), 4 og 6 strokka

Lengd/breidd/hæð: 4.565 mm / 1.853 mm / 1.674 mm

Þriðja kynslóð bílsins kom á markað árið 2017. Þrátt fyrir að hann væri örlítið stærri tókst hönnuðunum að draga verulega úr þyngd bílsins og bæta þannig snerpuna verulega. Aðalljósin, grillið og afturljósin undirstrika breidd bílsins að aftan og að framan. BMW X3 geislar af sportlegu öryggi með breiðara tvískiptu grilli samanborið við fyrirrennarann og loftinntaksopum. Kraftalegt ytra byrðið gefur vísbendingu um aflið sem leynist undir því. Bendistjórnun tryggir þægilega notkun akstursaðstoðarkerfanna í nútímalegu ökumannsrýminu. Þessi gerð uppfyllir fremstu staðla, til dæmis með því að taka sjálfvirkt fram úr. Sportleg hönnun undirvagnsins, gírskiptingarinnar og vélarinnar tryggir að akstursánægjan er alltaf í fyrirrúmi. Og að sjálfsögðu fæst X3 með BMW xDrive-aldrifinu. Þess vegna er þessi bíll alltaf rétti valkosturinn, fyrir þéttbýli jafnt sem torfærur.

Framleiðslutímabil: 2017 – til dagsins í dag

Vélar: 2,0 – 3,0 lítrar (110 – 210 kW, 150 – 286 hö.), 4 og 6 strokka

Lengd/breidd/hæð: 4.708 – 4.734 mm / 1.891 – 1.897 mm / 1.667 – 1.676 mm

Árið 2014 var komið að þessu: BMW kynnti til sögunnar sportbíl í flokki meðalstórra bíla. Tæknilega séð byggði hann á grunni BMW X3 og skaraði fram úr þökk sé sveigðri þaklínu ásamt tvöföldum hjólabarðaköntum, sem undirstrikuðu sportlegt útlit bílsins jafnvel þegar horft var á hann frá hlið. Fram- og afturhlutar undirstrikuðu einnig breidd bílsins: Flatt tvískipt grillið að framan og ílöng aðalljósin og afturljósin kölluðu fram réttar áherslur. 
Fjölbreytt úrval sparneytinna og öflugra véla þýddi að akstursupplifun í BMW X4 einkenndist af lipurð og krafti við allar aðstæður. Aldrif sem staðalbúnaður tryggði einstaka aksturseiginleika óháð undirlagi. 

Framleiðslutímabil: 2014 – 2018

Vélar: 2,0 – 3,0 lítrar (135 – 225 kW, 184 – 306 hö.), 4 og 6 strokka

Lengd/breidd/hæð: 4.671 mm / 1.881 mm / 1.664 mm

Í lok árs 1999 kynnti BMW til sögunnar byltingakennda nýjung: Fyrsta jeppann sinn. Jeppa með hefðbundið aldrif sem sameinaði einstaka hönnun, sportlega eiginleika og þægindi. Hér fór fyrsta flokks jeppi með lipurð BMW-bílsins, ekki síst vegna framúrskarandi stillinga á undirvagni og öflugra véla með sex eða átta strokkum.
Andlitslyfting árið 2003 skilaði fallegri bíl með endurhönnuðu tvískiptu grilli og tæknilegum umbótum í formi nýs BMW xDrive. Talsvert betra grip og hraðara viðbragð þýddu að bíllinn hafði enn betri stýringu og aksturseiginleika. Frá árinu 2004 hefur BMW X5 4.8is verið öflugasta átta strokka vélin sem í boði hefur verið, með sitt 4,8 lítra slagrými og 265 kW (360 hö.) afköst. Yfir 500.000 E53-bílar hafa verið framleiddir.

Framleiðslutímabil: 1999 – 2006

Vélar: 3,0 – 4,8 lítrar (135 – 265 kW, 184 – 360 hö.), 6 og 8 strokka

Lengd/breidd/hæð: 4.667 mm / 1.872 – 1.925 mm / 1.707 – 1.715 mm

Endurbætur á straumlínulögun þriðju kynslóðar þessa vinsæla jeppa fanga athyglina samstundis. Vönduð loftinntakskerfi í framsvuntunni og loftunarop á bak við framhjólin vinna gegn hreyfingum í fremri hjólaskálunum. Þetta dregur ekki aðeins úr viðnámi heldur gefur það BMW X5 líka sportlegt yfirbragð. Samræmd hlutföllin skapa fágað útlit, yfirburði og lipurð.
Innanrýmið er glæsilegt, með stemningslýsingu, og klætt vönduðum efnum á borð við leður með tvöföldum saumum. Endurhönnun iDrive-snertistjórnunar þýðir að ekkert mál er að stjórna umfangsmiklum akstursaðstoðarkerfunum. Þar er meðal annars að finna hraðastilli með umferðarteppuaðstoð og LED-ljóskastara sem lýsa upp fólk og dýr að nóttu til þannig að nætursýnin eigi auðvelt með að greina þau í myrkrinu. 

Framleiðslutímabil: 2013 – 2018

Vélar: 2,0 – 4,4 lítrar (160 – 330 kW, 218 – 450 hö.), 4, 6 og 8 strokka

Lengd/breidd/hæð: 4.880 – 4.886 mm / 1.938 – 1.985 mm / 1.717 – 1.762 mm

Árið 2008 birtist bíll á götunum sem ekki var auðvelt að flokka: Var þetta sportbíll? Var þetta jeppi? Hann var hvorugt, þrátt fyrir að sameina bestu eiginleika beggja flokka. Þetta var bíll fyrir sjálfstæða einstaklinga sem kunna að meta afköst og akstursgetu: BMW X6 var með 6 og 8 strokka vélar og bauð upp mikið afl sem dreifðist fullkomlega með sjálfvirkri afkastastýringu. Sjálfvirka afkastastýringin og xDrive-aldrifið, juku nákvæmni í stýri, rásfestu og grip þar sem hægt var að dreifa togkraftinum með stöðugum hætti til hvers hjóls fyrir sig.
Sportlegir hliðarlistar gáfu bílnum slétt útlit á meðan að mjó aðalljósin og tvískipt grillið juku tilfinningu fyrir breidd að framan: Hönnun BMW X6 var einnig einstök.
Árið 2012 fór útlitið í gegnum lágstemmdar endurbætur. Hringlaga stöðuhemilsljósin fengust nú sem LED. Úrval aukabúnaðar var stóraukið: Til dæmis upphækkun á miðri vélarhlíf.

Framleiðslutímabil: 2008 – 2014

Vélar: 3,0 – 4,4 lítrar (173 – 300 kW, 235 – 408 hö.), 6 og 8 strokka

Lengd/breidd/hæð: 4.876 – 4.877 mm / 1.983 mm / 1.684 – 1.690 mm

 Tvískipt grillið kallar fram svipmikið útlit bílsins sem og stór loftinntökin á hliðunum og fyrir neðan grillið. Ljósaumgjörð og leysigeislalýsing (aukabúnaður) aðalljósanna tryggja að bíllinn þekkist hvar sem er, óháð birtuskilyrðum. Vélar, akstursaðstoðarkerfi og xDrive-aldrifið (staðalbúnaður) ábyrgjast óviðjafnanlega aksturseiginleika.
Hvað lúxusaukabúnað varðar þá má nefna aukaglasahaldara með hitastýringu fyrir bæði heita og kalda drykki og Bowers & Wilkins Diamond Surround-hljóðkerfi með 20 hátölurum. Með BMW X6 kemstu ekki aðeins hratt og örugglega þangað sem förinni er heitið heldur verður ferðin einnig eins þægileg og hugsast getur.

Framleiðslutímabil: 2019 – til dagsins í dag

Vélar: 2,0 – 3,0 lítrar (195 – 250 kW, 265 – 340 hö.), 4 og 6 strokka

Lengd/breidd/hæð: 4.935 – 4.948 mm / 2.004 – 2.019 mm / 1.693 – 1.697 mm

Þessi stærsti jeppi sem BMW hefur smíðað er léttur og lipur í útliti, þökk sé lágstemmdri nálgun í hönnun og stíl. Hefðbundnir eiginleikar BMW eru í heiðri hafðir í þessum sportlega, lipra og trausta bíl, en um leið eru þeir endurskilgreindir. Tveggja spyrnu fjöðrun að framan og fimm arma öxull að aftan, xDrive-aldrif og 8-þrepa sjálfskipting skila akstursþægindum og öflugum aksturseiginleikum sem eru einstök í flokki sambærilegra bíla.
Í innanrými hefur ökumaðurinn allar viðeigandi upplýsingar, auk þess sem viðkomandi getur stjórnað ýmsum aðgerðum og fyrsta flokks akstursaðstoðarkerfum á tveimur 12,3 tommu skjám, á meðan tveir skjáir við aftursæti bjóða upp á afþreyingu. Í þakinu er þakgluggi staðalbúnaður, með 15.000 lituðum ljóspunktum sem birtast þegar birtu tekur að bregða. 
BMW X7 er hægt að sérsníða á ýmsa vegu. Möguleikarnir eru óendanlegir, hvort sem óskað er eftir Merino-leðri með áherslusaumi eða sanseruðu lakki.

Framleiðslutímabil: 2019 – til dagsins í dag 

Vélar: 3,0 – 4,4 lítrar (195 – 340 kW, 265 – 462 hö.), 6 og 8 strokka

Lengd/breidd/hæð: 5.151 – 5.165 mm / 2.000 mm / 1.805 mm

Rafknúinn BMW X3 var fyrst kynntur til sögunnar sem hugmyndabíll í apríl 2018, en fór svo í almenna sölu á fyrri hluta ársins 2021. Með fimmtu kynslóð af eDrive-tækni BMW er boðið upp á öflug 286 hestöfl og 400 Nm tog um leið og tekið er af stað. Þetta, ásamt hugvitssamlega stilltum undirvagni, tryggir að þú munt njóta óviðjafnanlegar akstursupplifunar, jafnvel í lengri ferðalögum: Drægið (WLTP-prófun) er ríflega 450 kílómetrar, og þar er ekki síst að þakka endurheimtarkerfinu. 
Innanrými bílsins er einnig tilkomumikið: Nútímalegt og glæsilegt andrúmsloft rennur saman við BMW Live-ökumannsrýmið og lítil hönnunaratriði á borð við bláa gangsetningarhnappinn. BMW iX3 ræður jafnt við innanbæjaraksturinn sem torfærari leiðir.

Framleiðslutímabil: 2021 – til dagsins í dag

Vélar: Rafmótor (210 kW, 286 hö.)

Lengd/breidd/hæð: 4.734 mm / 1.891 mm / 1.668 mm

Framhluti BMW iX er jafnábúðarmikill í útliti og aðrir hlutar bílsins: Afar mjó framljós skapa mótvægi við stórt tvískipt grillið, sem hylur ógrynni hvers kyns skynjara. Að auki einkennist bíllinn af stílhreinni og samfelldri straumlínulögun með innfelldum hurðarhúnum og tærri og einkennandi hönnun. 
Bíllinn skarar fram úr í tæknilegri nákvæmni, framsækni og hversdagslegu notagildi með tilkomumiklu drægi sem nemur 600* km (WLTP-prófun) og heildarafköstum sem nema 370* kW (500* hö.) þökk sé fimmtu kynslóð BMW eDrive-tækninnar.
Innanrými iX býður upp á áður óþekkta upplifun með kunnuglegum BMW-eiginleikum á borð við þægindi, nýjungar og sportlegt yfirbragð. Lagst hefur verið í umfangsmikla endurhönnun á iDrive og markar það rökrétta þróun í átt að einfaldri og náttúrulegri stjórnun. Upplýsingar eru birtar á skjám sem sveigjast í átt að ökumanni eða er varpað á sjónlínuskjá á framrúðunni. Umfangsmikil akstursaðstoðarkerfin tryggja þægilega og örugga akstursupplifun. BMW iX er fyrsta flokks rafknúinn jeppi sem hugsaður er með framtíðina í huga.

Framleiðslutímabil: frá árslokum 2021

Vélar*: Rafmótor (yfir 370 kW, 500 hö.)

Lengd/breidd/hæð*: 4.953 mm / 1.967 mm / 1.695 – 1.696 mm

*áætluð gildi