Tengiltvinnbíll sameinar bensínvél, rafmótor og háspennurafhlöðu – og býður því upp á það besta úr tveimur heimum. Með þessu er bæði dregið úr eldsneytisnotkun og koltvísýringslosun. Samvinnan á milli þessara tveggja kerfa eykur einnig afkastagetuna og hröðunaraflið.

Eins og nafnið bendir til er hægt að hlaða tengiltvinnbíl úr innstungu, heimahleðslustöð eða hleðslustöð fyrir almenning. Mesta sparneytni tengiltvinnbíls næst með fullhlaðinni rafhlöðu og því ætti hleðslulausn að vera til staðar bæði heima og í vinnunni.

Svo dæmi sé tekið skilar BMW 530e með fullhlaðna rafhlöðu allt að 66 kílómetra drægi í rafdrifnum akstri. Tækniframfarir næstu árin munu auk þess auka drægi á rafmagni í öllum bílum með háspennurafhlöðu. Við endurheimt þýðir þetta að þegar þú tekur fótinn af inngjafarfótstiginu breytist hreyfiorka í raforku sem er flutt í rafhlöðuna – og þannig bætast fleiri kílómetrar við drægið.

Undir slagorðinu „Power of Choice“ býður BMW viðskiptavinum sínum upp á fjölbreytt úrval tengiltvinnbíla og er það gert með ráðnum hug að ýta undir þetta sérlega sparneytna drifkerfi.

Tengiltvinnbíll hentar sérlega vel ökumönnum sem vilja mikinn fjölbreytileika: Annars vegar státar hann af rafdrifi fyrir daglega notkun, s.s. hagkvæmar og sjálfbærar ferðir til og frá vinnu. Fínstillt notkunarmynstur verður til þegar miðlungslangar vegalengdir eru eknar reglulega en þar eru flestir kílómetrar eknir á raforku. Ofan á þetta státar bíllinn svo af hámarksdrægi og sveigjanleika í lengri vegalengdum, t.d. í helgarferðum með fjölskyldunni.

Einn af kostunum fyrir ökumann á tengiltvinnbíl er nánast hljóðlaus akstursupplifun, á rafmagni, og aukið hröðunarafl frá rafmótornum.

Margir eigendur tengiltvinnbíla ná að aka meirihluta ferða sinna alfarið á rafmagni. Enda er raunin sú að oftast eru daglegar ferðir styttri en 50 kílómetrar. Þetta leiðir til umtalsverðs sparnaðar í samanburði við bíl með dæmigerðum brunahreyfli (fer eftir raforkugjaldi í hverju tilfelli). Og með tengiltvinnbíl er miklu drægi þess síðarnefnda ekki fórnað. Ef hleðsla eða afkastageta rafhlöðunnar er ekki nægileg er brunahreyfillinn sjálfkrafa gangsettur til að mæta orkuþörfinni.


Í þessum flokki bíla er einnig fjárhagslegur ávinningur í boði (fer eftir löndum): beint í gegnum niðurgreiðslur á rafbílum og óbeint í gegnum hagstæða skatta vegna minni koltvísýringslosunar.

Eins og nafnið bendir til er hægt að hlaða tengiltvinnbíl úr innstungu, heimahleðslustöð eða hleðslustöð fyrir almenning. Þegar þú ert á ferðinni þarftu hleðslusnúru fyrir hleðslu á hleðslustöð (gerð 3), sem fylgir með við afhendingu í Evrópu. Mesta sparneytni tengiltvinnbíls næst með fullhlaðinni rafhlöðu og því ætti hleðslulausn að vera til staðar bæði heima og í vinnunni. Best er að hlaða BMW-tengiltvinnbílinn sem oftast til að þú getir nýtt rafmótorinn til fulls.

Hitastigið er einn mikilvægur ytri þáttur sem hefur áhrif á afkastagetu og hleðslugetu rafhlöðunnar. Eins og þú kannast líklega við í tengslum við farsímann þinn þá er afkastageta hans takmörkuð við hátt og lágt hitastig. Þess vegna er mikilvægt, ekki síst að vetrarlagi, að “forhita” bílinn við hleðsluna – með öðrum orðum að hita upp rafhlöðuna og innanrýmið. Eða að kæla að sumarlagi. Þetta sparar ekki aðeins orku í ökuferðinni heldur skilar rafhlaða á fínstilltu hitastigi aukinni sparneytni strax í upphafi hennar. Fínstillt kerfi í bílnum þínum draga einnig að stórum hluta úr áhrifum hitastigs. Vissirðu að hleðslugeta rafhlöðunnar veitir einnig upplýsingar um tiltækt drægi? Aðrir þættir en hitastigið sem hafa áhrif á drægið eru tækjabúnaður, t.d. loftkælingin, farmur í bílnum og aksturslag.

’Ef þú ætlar ekki að nota bílinn í lengri tíma, svo sem í fríi, eru ýmsar leiðir til að hafa jákvæð áhrif á endingu rafhlöðunnar. Þegar færi gefst skaltu viðhalda 30 til 50 prósent hleðslu og leggja bílnum á svölum stað eða í skugga á sumrin og geyma hann í bílageymslu á veturna. Auk þess skaltu ekki hafa bílinn tengdan við hleðslustöð ef þú skilur hann eftir kyrrstæðan í langan tíma.

Hybrid-kerfið í BMW-tengiltvinnbílnum horfir ávallt fram á við og notar leiðsögukerfið til að koma þér á sparneytinn hátt á áfangastað. Þú skalt því nota virku leiðsögnina, jafnvel þótt þú ratir á áfangastað. Þú skalt því nota virku leiðsögnina, jafnvel þótt þú ratir á áfangastað. Notkun tiltækrar raforku er hægt að dreifa með snjöllum og sparneytnum hætti, allt eftir leiðinni fram undan, og þannig býðst þér rafdrifinn akstur í borginni og á áfangastað. Í tengiltvinnbíl eru kunnuglegar BMW-akstursstillingarnar gerðar enn betri með HYBRID ECO PRO-akstursstillingunni. Með henni næst fram hámarkssparneytni í tengslum við akstur, þægindi og ljós og loftkælingu. Forward View-aðstoðarkerfið er sérstakur eiginleiki í þessari stillingu. Það birtir þér ábendingar um sparneytnari akstur út frá aðstæðum á sjónlínuskjánum eða á mælaborðinu – það getur t.d. bent þér á að taka fótinn af inngjöfinni ef hraðatakmörkun er framundan. Greining á aksturslagi er annar gagnlegur eiginleiki, en hann greinir sparneytni þíns aksturslags í valmynd bílsins og kemur með gagnlegar ábendingar um sparneytnari akstur. Í nýrri BMW-bílum með hybrid-drifi (t.d. BMW X5 xDrive45e) kemur breytileg endurheimt einnig til aðstoðar þegar þú sleppir inngjafarfótstiginu. Með aðstoð snjallstýringarkerfis sem lagar sig að aðstæðum skiptir bíllinn sjálfur á milli rennslis og endurheimtar. Hvort sem framundan er bíll, hámarkshraði, hringtorg, beygjur eða þéttbýli – kerfið lagar hraðaminnkunina að öllum umferðaraðstæðum. Þannig er hægt að draga úr notkun hemlafótstigsins og gera aksturinn þægilegri – allt á sparneytinn hátt.